सबैभन्दा ठूलो विदेशी लगानीमा पोखरामा बनिरहेको होटलले मिचेको जग्गा फिर्ता गर्ने

0
377

पोखरा — जापानी नागरिक ताकासी मियाहाराले बनाएको सराङकोटस्थित होटल अन्नपूर्ण भ्युले अतिक्रमण गरेको वन, पर्ती जग्गा र सार्वजनिक बाटो फिर्ता गर्ने निर्णय भएको छ । पोखरा महानगरपालिकाको अगुवाइ र सरोकारवालाको समन्वयमा जग्गाको रेखांकन गरी फिर्ताको कार्यान्वयन गर्ने बुधबार मौखिक सहमति भएको हो ।

पोखरामा भित्रिएको सम्भवत: सबैभन्दा ठूलो विदेशी लगानी करिब २ अर्ब लागतको होटलले १० रोपनीभन्दा बढी सरकारी जग्गा अतिक्रमण गरेको अख्तियार दुरुपयोग अनुसन्धान आयोगले ठहर गर्दै स्थानीय प्रशासनलाई हटाउन निर्देशन दिएको थियो ।

सोही आधारमा बुधबार प्रशासन, प्रहरी, सशस्त्र प्रहरी, वन, महानगर प्रतिनिधि, वडा कार्यालयका प्रतिनिधिबीच भएको बैठकले आयोगको निर्णय कार्यान्वयन गर्ने सहमति जनाएको हो । यसका लागि नापी कार्यालयले स्थलगत नापजाँच गरी रेखांकन गर्ने र अतिक्रमित जग्गा फिर्ताको कार्यान्वयनमा जाने सहमति भएको प्रमुख जिल्ला अधिकारी तारानाथ अधिकारीले बताए ।

source:kantipurdaily.com

LEAVE A REPLY

Please enter your comment!
Please enter your name here